A
鐘意試用新嘢嘅人，想揾岩自己嘅產品，注重保濕同抗老
Utena
香桃黃金啫喱面膜
4.5
味道甜蜜，有保濕效果
味道好桃味，聞落好舒服，好放鬆。該牌子嘅面膜精華特別多，我會先搽精華上面，然後敷左面膜紙，但仲有精華可以搽埋手腳。面膜紙設計幾好，可以很好覆蓋全面。
24.06.2020
厚敷先有效果
質地好似面霜，易推。但需要厚塗，否則效果唔明顯。厚塗嘅時候，第二日起身摸塊面感覺被吸收曬，容易清潔，洗面後皮膚柔軟。但我試過幾次連續使用後，T字位生左暗瘡。
24.06.2020
值得該價錢的眼霜
我對眼部保養很有執著。而這款眼霜效果很好，能很好地去眼部乾紋，配合埋入面嘅按摩棒，可以幫助眼霜吸收。質地滋潤，但唔會生油脂粒。價錢稍貴，但使用感受令人驚喜。
24.06.2020
油水比例很好
油水比例很好，通常我會用嚟卸防曬，效果不錯。又因為價錢便宜，所以用落唔肉赤。沒有香味，沒有顏色，唔刺激。容易清潔，洗完面後唔緊繃。但對我而言，長期用會起小小暗粒
24.06.2020
討喜嘅面膜
質地易推易洗，補水效果明顯，第一次敷完有保濕提亮嘅效果。連續敷效果更加出色。香味舒服。不過價錢較高，但效果係面膜中很顯著的一款。有足夠預算的可以值得一試。
19.06.2020
必備好物
特別滋潤，但又十分容易吸收，冬天夏天都岩用。尤其當我皮膚有小小濕疹嘅時候，用e支潤膚露，唔會有刺痛，同埋可以修復e紅位，乾燥甩皮嘅時候都岩用。推薦比身邊好多人用
17.06.2020
穩定肌膚狀態
每日沖完涼後，拍上去塊面後容易吸收，同埋唔會粘膩。持續使用，能明顯地穩定肌膚，少左暗粒，少左生暗瘡，肌膚都透亮左唔少。價格較貴，但效果幾好。
16.06.2020
使用過好
E支卸妝油，用完唔會生暗瘡，係少數會買嘅卸妝油。卸妝能力幾好，算係好乾淨，都容易清潔。洗完面唔會好乾，好緊繃。同埋近眼部使用嘅時候，都唔會有刺激。
15.06.2020
平價好用
曼秀雷敦嘅潤唇膏勝在平價，質素都算幾好。鐘意佢有添加防曬功能，用落都算滋潤，但個人感覺keep得唔夠耐，需要補搽。無色，適合平時用。
15.06.2020
的確有功效
味道舒服。m到前堅持幾日連敷，的確可以減少暗瘡產生。而生咗暗瘡後，可以用化妝棉濕敷，敷一次，就感受到暗瘡無咁紅咁腫。大概3日後，暗瘡差不多就解決咗。效果明顯。
15.06.2020
好滋潤
好滋潤，滋潤效果明顯，吸收都算幾快。香味都好舒服。不過我易出手汗，冬天岩用些，夏天就要等臨訓前搽。搽完第二日手指邊緣乾裂嘅情況改善不少。一支都可以用好耐。
15.06.2020
味道治愈，保濕不錯
好鐘意e個牌子數量限定嘅特別味道，尤其薰衣草，好舒服。面膜精華特別多，搽埋手腳都足夠。敷完之後我會稍微按摩，幫助精華吸收。敷完保濕效果不錯，第二日上妝都幾貼。
10.06.2020
保濕但未見功效嘅面膜
特別多精華，鐘意敷上面再搽袋入面d精華係mask到。敷完之後唔會乾，mask可以keep住水潤。連續隔日敷一次，發現保濕功效不錯，但美白效果不明顯。
10.06.2020
平價高質洗面奶
係我嘅心頭好，清潔力足以應對平日普通畫眉同普通唇膏。洗完之後唔會緊繃又唔會有假滑，使用感特別好。泡沫豐富，易起泡，味道舒服，容易清潔。價格便宜，常年會備有一支。
10.06.2020
薄身
質地輕薄，容易吸收，鐘意個泵頭，易控制用量。有小小胡椒味，味道幾特別。平時沖涼後會用，長期使用後，係有去水腫嘅作用，但減肥就唔多覺，而皮膚d橙皮紋的確有消咗d。
09.06.2020
保濕易吸收嘅cream
質地易推，滋潤保濕得嚟又幾易吸收，唔會癡笠笠。的確能做到撫平乾燥引起嘅細紋，塗完全面，我會再重點塗嘴角同鼻附近。當眼霜都不錯，質地似專櫃眼霜，薄薄一層就足夠。
09.06.2020
好抵買
質地creamy，容易吸收，搽完之後皮膚軟淑，敏感嘅時候一定會用佢，有好好嘅急救效果，搽完第二日起身，面上紅塊消除左，粒粒都少左好多。重點係，佢價錢好抵。
16.05.2020
很好用嘅產品
好鍾意佢嘅設計，每次都可以幫我吸一泵，幫我較好個量。用落去皮膚變得細緻亮白左，質地都好吸收，搽完塊面軟嫩左好多。同埋佢嘅味道我都好鍾意。好滿意，就是價錢較貴。
16.05.2020
沒有特別感受嘅啫喱
都幾鍾意Clinique嘅嘢，不過E個啫喱就似乎比較普通，搽上面都好易吸收，的確唔粘膩，但相比起72小時補水精華，佢嘅補水效果唔明顯。而用E個就無起過擦紙膠碎。
13.05.2020
性價比高
係少數會回購嘅卸妝油，因為唔會用完之後生暗瘡。另外，佢嘅卸妝能力非常好，眼線眼睫毛都可以輕易卸除，平時會擠4下清潔全面，唔會刺激眼睛，用完之後皮膚唔會繃緊。
13.05.2020
使用感不是很好
鍾意E個牌子嘅面膜，所以買左E支化妝水。但使用感受不佳，面部可能因為添加左金箔而小小敏感，塗抹上面到係濃稠嘅啫喱質地，感覺痴笠笠，吸收程度低，有些失望。
12.05.2020
質地好嘅面霜
質地好好，搽上去都感覺皮膚立即變soft，第二朝起身洗面塊面都keep住好滑溜。夏天配合埋粉紅補水精華，補水效果好，但冬天就不足夠。小小缺點係，容易起擦紙膠碎。
12.05.2020
噴霧好細嘅水
E支係我第一次見到噴出嘅噴霧好最細嘅爽膚水，感覺特別舒服。用埋佢有陣草本嘅植物味道，被次噴完感覺好fresh，好醒神。不過宣傳主嘅打之一撫平細紋功效就未能明顯。
12.05.2020
會回購嘅補濕產品
四季都岩用，尤其冬天厚敷，補濕效果明顯。皮膚容易乾燥，用其他產品容易刺痛，但bicelle b5 cream就唔會刺痛，同用完之後乾燥起皮嘅地方第二朝起身就好翻
12.05.2020
味道甜美嘅潤膚露
有一排keep住回購e支潤膚露，因為特別鐘意佢嘅味道，好甜，聞落去好幸福。質地水潤，好容易吸收，冬天用都感覺保濕。除咗e個味，都用過其他味，都好好用。
12.05.2020
超級鐘意嘅防曬
之前用開平價防曬，前幾年開始用e支防曬，一用就鐘意，keep住買。質地特別好，易推，好滑，水潤，搽完唔會笠。防曬效果好好，夏天去海邊游水，曬全日都無黑到，好驚喜
12.05.2020
可以回購嘅潤膚露
美白效果需要持之以恆先有，我連續用咗2樽先見到效果。不過質地很好，易推，水潤，吸收得算快。味道淡雅，價格便宜，平時我大概會唧8下搽勻全身，一d都唔肉赤。
12.05.2020
性價比高嘅保濕面膜
好鐘意佢陣白米味，一路敷一路聞住好舒服。面膜精華算多，敷咗之後袋入面d精華可以搽埋手臂。夜晚黑敷完之後感覺水潤，不過就未能keep得好耐，我要搽埋其他鎖水護膚品
11.05.2020
去眼紋嘅好眼霜
試過好多眼霜，e個對我嘅眼紋真係好work，連續搽2個星期，眼紋淡咗好多。同埋平時搽嘅時候，我會輕輕搽埋眼睫毛，眼睫毛都真係長咗，好驚喜，咁可買少支眼睫毛增長液
11.05.2020
單一保濕功能嘅精華
膠嘅質地，每次要用要按2~3下，搽完過咗3個鐘仲有小小癡，但係冷氣房都就好快唔癡啦。長期用有補濕效果，唔會好乾。但容易起擦紙膠碎。最好夜晚沖完涼用。
11.05.2020
平價水潤防曬霜
係平價防曬入面我嘅幾個心頭好之一。質地好水潤，搽完唔會癡，同埋唔好大陣太陽油味。最重要係我用佢嚟搽身，平時用普通沖涼液就可以清潔得好乾淨，唔會擔心阻塞身體毛孔。
11.05.2020
