ig: _iamtracyyyyyb
效果麻麻
純保濕嘅gel mask，敷gel mask一定要厚敷先有用，喱款mask容量少，價錢又貴，唔係用到好多次，又無其他功效，唔扺買
21.09.2020
懶人之選
一泵出嚟已經係好豐盈嘅泡泡，就算朝早用都唔會覺得崩緊，之後用返平時用開嘅toner，塊面都出少左油，夜晚用完會覺得塊面好乾淨，會再回購
20.09.2020
名副其實嘅toner
可以同時做到保濕同控油嘅效果，朝早我會用化妝綿抹一次臉，夜晚就算有時懶，唔想搽其他野，淨係用佢加埋五水法，開住冷氣訓覺，第二朝訓醒，出油都出少左
20.09.2020
Sleeping mask
唔知點解搽上面會聞到陣膠味，仲覺得臭臭地，效果係幾好嘅，第2朝洗完面之後，塊面嘅保濕度有提高到嘅，但真係唔鐘意佢陣味
08.08.2020
非一般嘅精華
好流質嘅精華，其實唔似精華，似爽膚水，所以保濕程度只係同一般保濕型嘅爽膚水差唔多，如果係乾到甩皮，用佢就唔夠保濕，用完之後我都唔會再買
08.08.2020
唔笠嘅serum
用上面好舒服，感覺塊面好快吸收曬曬精華，好保水
06.08.2020
普通
好普通嘅純保濕mask，貼面嘅，市面有更多性價比高嘅保濕mask，可以唔洗買佢
06.08.2020
好有用嘅唇膜
陣味幾香，臨瞓前厚敷係咀唇到，第2朝再用紙巾一抹，死皮就甩曬，之後仲好似有層薄膜滋潤緊你個咀唇，每2至3日用一次就已經ok，一罌可以用到好耐，性價比高
06.08.2020
純保濕功能嘅toner
洗完面再用佢黎抹全面，係feel到有保濕嘅效果，其他功效就完全睇唔到，太普通，價錢又唔係平，可以唔洗買佢
06.08.2020
第一次用嘅Olay mask
面膜紙好貼面，冇香料味，精華係透明色，入面有好多精華，特別鍾意係深層清潔後敷，可以即時見到毛孔收細左，塊面保濕左，會回購嘅mask
28.07.2020
好香嘅cream
好香花味，不過質地偏笠，夏天嘅朝早用唔太適合，一搽上面再捽開會變左一層油，似保護成塊面，為塊面鎖水
22.07.2020
保濕cream
質地偏笠，夏天嘅朝早千其唔好用，太黏笠，夜晚開冷氣用都ok，保濕度正常，cream呈乳白色，無乜味，敏感肌可以用
22.07.2020
只需要5分鐘就可以去角質
磨砂粒子較細，只要係塊面按摩一段時間，等5分鐘之後洗就得，不過如果角質層比較厚可能要用其他更加強勁嘅磨砂產品會好啲，喱款產品比較溫和，只能去除表面角質
10.07.2020
溫和潔面
適合朝早用，夠曬溫和，洗完唔會崩緊，不過夜晚用我就覺得清潔力唔算話好夠
10.07.2020
唔乾嘅洗面奶
早晚用都可以，就算朝早用都唔會話乾到甩皮同崩緊，清潔力都唔錯
08.07.2020
有驚喜
本身唔係咁鍾意用油黎落妝，但係喱款卸妝油用完之後唔會生粒粒，落妝落得乾淨
02.09.2020
唔乾嘅潔面粉
洗完面之後覺得塊面乾淨左，但係又唔會乾，適合夜晚用，不過其他功效就睇唔到啦，價錢都幾貴，可以有其他嘅選擇
24.06.2020
有保濕效果嘅定妝噴霧
夏天用定妝效果麻麻，都係會溶妝，可能係香港嘅天氣問題，冬天用會好啲
24.06.2020
似bioderma潔膚水
可以用黎朝早起身抹臉，抹完之後塊面即刻乾淨左，塊化妝綿會有啲黃色野抹左出黎，有輕微去角質嘅效果，之後我會再洗面，再搽skin care，不過價錢偏貴
24.06.2020
保濕力強
只係需要10分鐘就可以令到皮膚飲飽水，甩皮嘅情況明顯改善左，超好用嘅cream mask
24.06.2020
一支可以用好耐嘅mask
我唔會成面敷，本身係乾肌，我只會敷係暗瘡位上面，佢會幫暗瘡收水，主要係石頭瘡，之後再搽返暗瘡膏就會好快謝，不過果個位之後會有啲乾，要敷返保濕mask
24.06.2020
玫瑰味好香嘅toner
一支有超多玫瑰花花瓣，陣味好香同好天然，用完之後有保濕嘅效果，值得一試
24.06.2020
好普通嘅toner
只有基本保濕功能嘅toner，無其他特別功能，價錢太貴，可以唔洗買佢
24.06.2020
味道唔討好嘅mask
佢隻味唔係個個都接受到，係似菇水嘅特濃版，我自己唔會成臉敷，因為實在太臭啦佢陣味，我只會局部敷係需要降紅舒緩嘅位置上面，特別係係暗瘡位，佢嘅舒緩效果好好
24.06.2020
懶人專用
喱隻mask集合左去角質同清潔於一身，用上臉有少少吉吉地，不過無敏感，間唔時比較懶，可以用下佢
24.06.2020
好多玫瑰嘅mask
啫喱狀質地，唔會流到條頸都係，入面有好多玫瑰花瓣，保濕力正常，不過價錢偏貴，如果成面敷，唔會用到好多次，所以可以有其他更性價比高嘅product代替
24.06.2020
好麻麻嘅mask
面膜紙厚，精華好少，就算攞左塊mask出黎，個袋入面都無乜精華，面膜嘅cutting唔太岩面型，保濕力一般，唔會再買
24.06.2020
Ipsa流金水
只係得純保濕嘅功能，我用曬成支都睇唔到有其他功能，唔知係咪因人而異，之後我唔會再回購，價錢太貴，我寧願用labo labo嘅toner
08.06.2020
好普通嘅mask
面膜紙好唔貼面，入面嘅精華都無乜，只係得保濕喱個功能，無緊緻喱個功能，價錢又貴，可以有更好嘅選擇
08.06.2020
適合輕熟肌同成熟肌
係我身上只有保濕嘅效果，去細紋個啲功效我就唔清楚，本身無細紋，所以唔太適合二十幾歲嘅人用
08.07.2020
草本味嘅toner
係皮膚唔穩定個陣時用會即刻降紅同支緩，間唔時會用黎濕敷，可以媲美媲美一塊mask嘅功效，但係唔可以成日敷，會令皮膚有反效果，隻味我自己接受到，但有啲人會覺得好臭
29.05.2020
長期回購嘅防曬
質地夠輕身，防曬系數夠高，夏天用都唔會覺得笠，係泰國挽水上活動都係全靠佢，超鍾意嘅一支防曬
21.05.2020
比較笠嘅防曬
質地比較厚身，用上臉有啲笠，唔係咁鍾意，個人鐘意啲輕身啲嘅防曬，不過佢嘅防曬系數都夠高，用上臉唔會有泛白嘅情況
21.05.2020
有味嘅精華
精華係有少少白色，但偏向透明，質地都比較結，一搽上去有少少刺痛嘅感覺，隔左十幾秒之後就無喱種感覺，皮膚好快吸收曬，要keep住用一段時間先會改善到皮膚暗啞嘅問題
20.05.2020
性價比唔高嘅大米面膜
喱款大米面膜比起同牌子嘅其他版本無咁多精華，喱款面膜嘅精華係透明，用完之後塊面好柔軟同補水，不過係性價比方面，曼秀雷敦會平啲
12.05.2020
一個無乜人識但超好用嘅brand
前排sasa特價 $99有3盒 買左勁多盒 用完之後塊臉好保濕 用左幾日之後 塊臉真係出少左油 值得囤貨嘅mask
12.05.2020