K
嚴重黑眼圈，眼紋，毛孔粉刺問題，跟足咁多年，咩都搞唔到，仲熟女了，紋都陪伴了
混油肌表示滿意
用咗都有5-6塊，我係混油肌，唔算明顯見到深層清潔，但就有急救作用，用完皮膚係會有飽滿感，同有光澤，但一入秋，太乾時，就唔算好夠保濕力
11.10.2020
香味好緊要
佢清潔力都自ok,我混合肌無因為用缷妝油而引起粒粒或者粉刺問題，佢嘅氣味係令人有放鬆感覺，毎次用都會有愉悅感
25.08.2020
極推薦戶外運動必備
毎年夏天都必備，一出戶外運動係必需品，佢防曬力好夠，加上都防到水汗，一般行山，水上運動都好頂得住，同埋佢都幾啱混油肌用，貼面無點出油，不過係貴，一支唔算用到好耐
18.04.2020
感覺不錯
用咗一星期左右，我用保濕型，係混合肌，撞正突然又乾又濕嘅天氣，佢令皮膚係穩定嘅，都夠潤，不過未算明顯保濕效果，保濕都係靠精華，佢都做到鎖水效果，係不錯
18.04.2020
抵買好用
混合偏油肌，夏又係好啱用呢個碎粉，重點係t字位薄上，妝感自然無泛白，而且控油力都好夠，加上又平，係好抵玩，同埋我係會掃埋上前陰位，吸埋頭油，細盒拎出街好方便
10.03.2020
妝感好好嘅遮暇
首先我係有嚴重黑眼圈加眼紋，一般遮暇加調色都無可能完全遮到眼圈，呢支遮暇單用可以遮到7成眼圈，佢好處係唔會令眼圈位耐咗變灰妝感貼服，但好似我嘅眼紋單用佢都會現
10.03.2020
有明顯效果，但有假滑感覺
用咗幾次效果都幾明顯，一用上面，吸得快，但有滑石粉感覺，第二日皮膚明顯平滑白淨咗，但要隔日用，係考記性加少貴
22.03.2020
清潔力強勁，但有酒精
係幾有效果嘅清潔mask,針對粉刺黑頭，係明顯見到會令佢地浮面，好啱混合肌T位同下巴用，但佢酒精含量都高，成份表排好頭，係會刺激
03.03.2020
保護力夠，但偏貴
以開架防曬嚟講佢真係偏貴，加上防曬用量係要夠先有效，佢保護力好夠，旅行陽光海灘，長時間曬住，都無令皮膚曬傷，曬紅，會有輕微曬黑，我係好接受，亦無令皮膚出斑
03.03.2020
厚身面霜
我只會係夜晚用，混合肌朝早會覺得太厚身，有少少難吸收，但夜晚預佢長時間鎖水，係ok嘅，同埋易推開，加埋按摩手勢，係keep到時間去按
03.03.2020
混合肌好推薦
佢係可以穩定到皮膚，敏感時，有舒緩作用，補濕力好夠，我混合肌，濕敷係T字位，係會減少出油，用咗係有舒服嘅感覺，會推薦，但長用的話，係偏貴，濕敷量要多
03.03.2020
乾淨但偏乾
超抵買之選，但如果年過25，同埋敏感肌，就要小心喇，洗起嚟係好多泡，亦都乾淨，但我混合肌夏天用，洗完都會覺得有過乾嘅感覺，如果有返咁上下年紀，就唔太合用了
03.03.2020
快吸收，但補濕力不夠
特價時入手，算抵買嘅B5,不過唔算補濕力好夠，都吸收得快，但效果唔算明顯，我係混合油肌，秋冬就一定唔夠力
03.03.2020
混合肌秋冬啱用
算係薄身油，但如果係混合肌，春夏會令皮膚易有油，只啱夜晚用，但秋冬天就早晚都用得，快吸收得嚟，滋潤度都足夠，表情紋都有幫助
03.03.2020