平時都鍾意化比較濃嘅眼妝，#3同#4分別係適合亞洲人嘅橙啡同玫紅，用手指摸係難以置信嘅幼滑觸感，上眼超顯色，就咁用單色都得，淺至深嘅色都有，唯一缺點係閃粉好易甩 顯示更多

化妝人士最怕防曬同底妝溝唔埋，呢支防曬就絕對唔會有呢個煩惱，質感好清爽，搽完防曬再上粉底液都唔會起擦膠碎。大大支好抵用，試過急起上嚟用埋嚟搽手都唔心痛 顯示更多

毛孔粗大問題一直困擾住我，直到我遇到呢支primer，我人生真係改寫😂每次用量只需要好少，但之後上粉，唔使花好多功夫就可以有細緻幼滑嘅肌膚，約會之前用就啱晒 顯示更多

當初見好多美妝youtuber推介，買咗返屋企有少少後悔。首先佢始終係粉餅，如果好似youtuber咁講嚟做底妝會太厚粉。佢遮瑕度幾高，唯一好處係方便帶出街補妝 顯示更多

我係混合性皮膚，夏天用都唔會出油！冬天用會乾啲啲，但可以上妝時溝少少精華，即時好易推開，持久度超高，我用咗佢之後做gym都仲Keep到7成 顯示更多

睇落好似好紅，但一上臉，顏色好靚，有種白裡透紅嘅效果，仲有隨盒附送嘅掃都好好用，就咁輕輕一掃就搞掂，懶人必備 顯示更多

上次去買reboot粉底液，我嫌reboot太輕透，BA姐姐介紹我用呢支遮瑕，試用上眼底，竟然遮到我個千年黑眼圈，最緊要係完全唔乾！唔會搞到眼底起乾紋！ 顯示更多

有時返工或去街，未必需要太濃妝，呢支粉底液就啱晒，質感好透薄，用咗臉色即刻好有光澤同精神，不過相對嚟講遮瑕度就會低啲，黑眼圈、暗瘡印、雀斑等瑕疵就遮唔到。 顯示更多