輕熟齡肌•試用裝控•最愛嘗試唔同嘅護膚品•混合性皮膚•Instagram: clover.skincare
性價比高卸妝產品
平時化淡妝會直接用呢支卸妝啫喱，粉底、唇膏基本上捽一陣就可以落乾淨，眼妝就要捽耐少少，再加水乳化，用水一沖就乾淨。落完妝會有啲乾，但未去到猛猛緊嘅程度，性價比高
31.03.2021
質地黏𣲷，不過不失
白色啫喱狀質地，搓開帶有橙香🍊
感覺有少少黏𣲷，上面之後會略帶油光，美白產品要配合防曬先有用，但呢款再加防曬就會好焗，美白效果唔明顯
09.03.2021
懶人去角質佳品
產品呈粉藍色，顏色非當夢幻，有香精味，但唔討厭，包裝上寫搽上面只需要搽一分鐘，就可以沖水，最啱懶人～原理係用酵素去角質，減少磨擦皮膚，但效果依然明顯！
03.03.2021
難推開，唔保濕
質地摸落有啲嚡，撻上面會幾難推開，抹開之後質地又okay喎，幼滑咗。面膜帶有少少牛油果味，感覺天然，但只係假象，而且保濕效果唔算明顯
24.02.2021
高強度防曬
高強度防曬，去沙灘用就啱嘞！用之前搖一搖，質地水潤，上面唔油膩，但會覺有啲焗，整體唔錯
24.02.2021
油性皮膚咪掂！
本身買嚟畀媽媽用嘅，防曬只有SPF15，其實覺得唔太夠用，買番嚟首先用咗一次，唔鍾意佢嘅香精味，而且太油太𣲷，完全唔啱油性皮膚用
24.02.2021
保濕力欠佳
有時會當佢爽膚水咁用，細支裝攞去旅行亦好方便，噴出嚟嘅水霧幼細，但唔係特別保濕，係冇乜必要嘅護膚品
24.02.2021
乳液芬芳，性價比低
產品呈淡粉紅色乳液狀，香味都幾濃，但係舒服嘅～上面感覺滋潤，需要少少時間吸收，作為護膚嘅最後一步，怡人嘅香氣幫佢加分不少，但論功效就不過不失，性價比略低！
24.02.2021
薰衣草防曬
呢款化學防曬話自己係薰衣草色嘅，擠出嚟的確係淡紫色，幾容易推開，紫色有修正膚色嘅作用，可以提亮膚色。上面唔會覺得好油，油性皮膚都應該接受到！
24.02.2021
All time favourite!
筆頭硬淨，唔容易分岔，非常啱新手用，
顏色實色，唔易甩妝，妝效持久，亦因為佢持妝效果好，所以落妝會要捽耐啲
24.02.2021
好用眼線筆
筆頭柔軟啲，而且顏色會淡少少，有啲似寫毛筆字嘅墨水色，持妝效果ok，落妝亦算容易，唔使專登用眼唇卸妝產品都落得乾淨
24.02.2021
滋潤潤唇膏💄
滋潤度唔錯，嘴唇乾燥，或者甩皮，攞佢嚟薄薄搽一、兩層，就可以令到嘴唇變番軟熟柔潤，甩皮情況都會改善到！
24.02.2021
香味吸引，起泡效果欠佳
呢款洗頭水嘅茉莉花味好香～洗完頭都keep到成日，香味非常吸引，令人感覺清新，不過每次用勁多都起唔到泡，雖然起泡同清潔力唔可以掛鉤，但就畀唔到人潔淨嘅感覺
19.02.2021
質地稀，膚感𣲷
呢個潤膚霜有啲神奇，佢個質地好稀嘅，但係搽咗之後呢，又會感覺黐𣲷𣲷，乳木果香味係舒服嘅，保濕效果還好，但係黏𣲷質感令我每次用完都想即刻洗手
19.02.2021
香味怡人，質地滋潤
秋冬除咗塊面要護膚之外，個嘴都要好好保護，天氣一乾個嘴就成日甩皮，呢支潤唇膏嘅乳木果香味好舒服，上嘴夠滋潤，唔會特別黏𣲷，亦唔會黐頭髮，但容量較細，好快用晒成支
19.02.2021
秋冬好拍檔
呢個cream有好多年歷史，質地較厚，以前一直覺得佢好黐𣲷，但係抗疫期間不停用梘液洗手，尤其係秋冬天氣乾燥，搞到對手更乾，用佢搽手非常滋潤，又平又好用！
19.02.2021
黐𣲷啫喱，極濃香精味
透明啫喱狀，非常黐𣲷，香精味極濃！
29.01.2021
保濕效果唔顯着
白色乳液，質地較稀，保濕效果唔顯着，香精味濃！
29.01.2021
效果麻麻，香精味濃
透明水劑，保濕效果唔明顯，香精味濃！
29.01.2021
玫瑰花香保濕精華
產品呈淡粉紅色啫喱狀，
帶有療癒嘅玫瑰花香，
啫喱質地非常容易推開，
我將佢搭住retinol嚟用，利用入面嘅niacinamide加強皮膚保濕，降低刺激
26.01.2021
8款膚質個人化選擇
IPSA嘅乳液升級之後有8個版本，配合8種不同膚質朋友嘅需要，上網做完測試話我係type 2，即係高氧型油性缺水膚質，呢個乳液滋潤保濕，用完一排感覺皮膚好咗！
31.03.2021
期待效果
用咗2-3星期，但未見可以整走角質粒住。另外覺得包裝有待改善，唔係太夠衛生。期待再用落去嘅效果
08.11.2020
糖果般的唇膜
莓味香甜，搽上嘴好似食糖咁🤤
當然保濕效果都唔錯，朝早起身個嘴唇都仲係令立立嘅🤣
摸落軟腍腍、滑捋捋，滋潤好用☺️
03.09.2020
建議配合retinol一齊用
產品呈透明厚身啫喱狀，好似膠水咁。開始用敏感，額頭同下巴生咗好多細粒粒；之後配合retinol一齊用就冇敏感喇～成分可以穩定皮膚屏障，減少水分流失，保持皮膚滋潤
16.08.2020
鎮靜紓緩面膜
精華比較杰身，面膜布料亦唔算薄身，但勝在敏感皮膚都用得，敏感嘅時候可以用嚟鎮靜紓緩。日本抵買～
16.08.2020
不過不失
賣點係用咗死海泥，但好似同普通泥膜冇乜大分別，感覺上冇咁易乾？！咁樣似乎減弱咗個泥膜嘅清潔力，效果不過不失，冇驚喜。
16.08.2020
起級貼面面膜
補水效果唔錯，但最值得一讚嘅係塊面膜嘅質地！超級無敵貼面，唔會移位，又有助吸收！推薦畀冇用過嘅朋友！
16.08.2020
氣味芬芳，效果就…
Clarins嘅產品每次都令我驚艷，因為佢嘅氣味芬芳！今次呢個V臉面膜洋溢住花香，用呢個面膜可以參考官網嘅幾個步驟，加強效果。我只係用過試用裝，唔覺有咩V面效果
16.08.2020
新奇泥膜
平時要敷泥膜都好麻煩，撻上面煩，等佢乾煩，要洗面都好煩🙈但而家竟然有paper mask泥膜！好神奇！用完皮膚一啲都唔乾，毛孔都會清得乾乾淨淨！
09.10.2020
軟滑火山岩泥
質地軟滑，有啲似whipped cream咁，容易推開，厚敷薄敷都容易控制份量。敷10分鐘就可以洗，如果厚敷會建議等耐少少，乾晒先洗。用完唔會掹掹緊，清潔力較弱
04.08.2020
妙用經典黃油
產品呈黃色啫喱狀，推開會變透明，無色無味。我會化妝嘅時候用，擠少少撈落個粉底度，一來可以減少粉底用量，令妝感自然，唔厚重；二來可以加強保濕，令底妝更加貼服
31.07.2020
精華含水楊酸，敏感肌慎用！
呢款精華有2層，含有水楊酸，用之前要先搖勻。搽上面勁𢲡！刺痛感強烈！
刺痛感1分鐘左右會消失，不過真係刺激得滯，溝1、2滴落面霜用會溫和啲。唔建議敏感肌使用
31.07.2020
夢幻粉紅泥膜
呢個泥膜每次只需要敷3-5分鐘就可以，啱啱敷上面會有啲拮拮地，敷5分鐘個面膜未會乾晒，我通常會用支棒刮走啲泥，然後再沖水。敷完塊面會比較乾，所以要敷多個保濕面膜
31.07.2020
豐盈泡泡，方便潔面
一擠就出泡泡，泡沫幼滑豐盈，方便潔面！泡泡上面舒服，軟綿綿，滑捋捋～自己平時用打泡網整嘅泡泡都唔會咁靚～冇特別香味，感覺安心！洗完仲有滋潤感，唔會乾憎憎😊
10.09.2020
雪花糕面霜
質地好似雪花糕咁，都幾厚身下👀
好彩喺手心搓開咗之後就變番薄身，唔似擠出嚟咁杰
搓開就會變透明～🌬
上面都好柔滑，滋潤度高💧💧💧
吸收速度亦都好快！
01.04.2020
su:m37°奇蹟精華
su:m37°呢款肌底液質地較水狀，本身諗住會唔啱冬天乾燥天氣用，但原來佢輕盈得嚟又夠滋潤喎！用咗兩、三個禮拜，紓緩咗皮膚乾燥嘅情況，為肌膚做好打底，更易吸收！
17.02.2020
